Qoraallada iyo Ururinnada on Kapchits.Online

Nin habari dhashay hal ma seegi waayo

Wed, 06 Apr 2016 00:00:00 +0000

Qoraal uu Dr. Georgi Kapchits ku daabacay WardheerNews 6 Abriil 2016, oo ah jawaabta maqaalka Cabdirisaaq Baraag “Hubsiimo Hal baa la siistaa”. Qoraalku halkan wuxuu u yaal sidii uu qoraagu u qoray, waxbana lagama beddelin.

Qoraalkan kooban oo ah Jabaawbta aan ka bixinayo maqaalka Cabdirisaaq Baraag ee cinwaankiisu yahay Hubsiimo Hal baa la siistaa, ee lagu daabacay WardheerNews, magac bilaash uma baxo e waxa aan ka leeyahay laba ulajeeddo.

Midda hore waxay tahay in aan saxo gef aan ku talogal ahayn oo iga galay qoraalkaygii hore ee aan ugu magac daray “Gacan gadaal ka baqaysa geed ma gooyso”, kaasoo ahaa in “Ayax teg, eelna reeb” ay ka mid ahayd maahmaahyadii uu Shiikh Maxamed Cabdi Makaahiil daabacay 86 sano ka hor. Maya, ka mid ma ahayn. Aniga malaha aan fahmin wixii uu ii sheegay saaxiibkay Cabdiraxmaan Faarax “Barwaaqo”. Dhego oommani ‘cab’ uun bay kasaan!

Tol waa nin qumman qabanqaabadiis iyo nin qalloocan qabanqaabadiis

Wed, 01 Oct 2014 00:00:00 +0000

Qoraal uu Dr. Georgi Kapchits ku daabacay WardheerNews 1 Oktoobar 2014, oo ah faallo maqaalka Ibraahim M. Deeq “Kala Miirka Maahmaah iyo Odhaah, Gabay iyo Hees”. Kala-qaybinta halkan lagu soo bandhigo waxay ku salaysan tahay habka G. L. Permyakov — eeg Naxwaha iyo weedh-dhiska. Qoraalku wuxuu u yaal sidii uu qoraagu u qoray, waxbana lagama beddelin.

Si xiise leh, ayaan u akhristay maqaal uu qoray Ibraahim M. Deeq uuna magac uga dhigay “Kala Miirka Maahmaah iyo Odhaah, Gabay iyo Hees”, waxayna ila noqotay in maqaalku uu mudan yahay in laga faalloodo, siiba qaybtiisa ku saabsan maahmaahyada iyo odhaahyada. Qoraagu aad buu uga welwelsan yahay in si qumman loo kala garan waayo laba shay oo kala ah Maahmaah iyo Odhaah. Waxaase nasiibdarro ah in maqaalkiisu intuu toosin lahaa arrinta uu khuseeyo uu sii qalloocinayo. Tol waa nin qumman qabanqaabadiis iyo nin qalloocan qabanqaabadiis!

Booqashadii labaad ee aan ku tegey Berbera

Thu, 01 Jan 2004 00:00:00 +0000

Qoraal uu Dr. Georgi Kapchits ku daabacay joornaalka ‘Hal-Aqoon’ (2004), oo uu kaga warramayo buugga ‘Halqabsigii Jacaylka’ ee Ibraahim Maxamedeeq Ciise (Nairobi, 2001).

In aan booqdo magaalada qadiimiga ah ee Berbera waxaan ku riyoon jirey tan iyo markii aan ka shaqeyneyey Laanta af-Soomaaliga ee Raadyow Moosko, anigoo maalin walba xasuusinayey dhegeysteyaasha in dekeddeeda qotada dheer leh lagu dhisey gargaarka Midowga Soofiyeeti. Hase yeeshee waxaa suurtogal ii noqotay in aan arko Berbera uun kaddib markii ay wada baabe’een Midowga Soofiyeeti iyo Jamhuuriyaddii Dimuuqraatiga ee Soomaaliya ee xarumahooda Moosko iyo Muqdishow loo haysan jirey “laba mataano oo midigta is qabsanaya”. Taasi waxay dhacday xagaagii sannadkii 2001dii ee aan ka qaybgalay shirkii 8aad ee cilmibaarista Soomaaliyeed, laguna qabtay Hargeysa. Dhowr saacadood oo keli ah ayaan joogay Berbera oo ka-qayb-geleyaashii shirkaasi loo qaaday. Nasiibdarrase dekedda mooyaane oo aan ka quustay shaqadeedii waxna kuma aan arkin.

Waa kan buuggii aan sugeyey 24ka sano

Tue, 01 Jan 2002 00:00:00 +0000

Qoraal uu Dr. Georgi Kapchits ka qoray Moosko 28ka Noofembar 2002, waxaana daabacay SomaliTalk.

sidaa waxa yidhi Dr. Georgi Kapchits

Sannadkii 1978kii saaxiibkay Khaliif Nuur Cali ‘Qonof’ oo waagaas wax ku baraneyey Moosko wuxuu hadiyo ii siiyey sheekada la yidhaahdo “Roots” (“Xididdo”) ee uu qoraaga mareykanka ah Alex Haley dib ugu raadraacay asalkiisii. Sheekada wuxuu ku bilaabay sida soo socota:

“Early in the spring of 1750, in the village of Juffure, four days upriver from the cost of The Gambia, West Africa, a manchild was born to Omoro and Binta Kinte… By ancient custom, for the next seven days, there was but a single task with which Omoro would seriously occupy himself: the selection of a name for his firstborn son. It would have to be a name rich with history and with promise, for the people of his tribe — the Mandinkas — believed that a child would develop seven of the characteristics of whomever or whatever he was named for.”