Maahmaah on Kapchits.Online

Gorfeynta buugga «Godob iyo Gallad»

Sat, 24 Apr 2021 00:00:00 +0000

Gorfeyn uu Dr. Georgi Kapchits ku daabacay WardheerNews 24 Abriil 2021. Buugga la gorfeeyey waa qisada «Godob iyo Gallad» ee Xuseen M. Cabdulle (Wadaad). Qoraalku halkan wuxuu u yaal sidii uu qoraagu u qoray, waxbana lagama beddelin.

“Godob iyo Gallad” waa qiso ka sheekeyneysa wixii ka dhacay magaalo hebla sanooyinkii toddobaatameeyadii ee qarnigii la soo dhaafay. Hase yeeshee in ay magaaladaasi ahayd Muqdisho shaki kuma jiro, maadaama si fudud loogu aqoonsan karo astaamo dhowr ah. Waxaa ka mid ah afguriga buuggani uu ku qoran yahay, ayna ku hadlaan dadka uu ku saabsan yahay.

Nin habari dhashay hal ma seegi waayo

Wed, 06 Apr 2016 00:00:00 +0000

Qoraal uu Dr. Georgi Kapchits ku daabacay WardheerNews 6 Abriil 2016, oo ah jawaabta maqaalka Cabdirisaaq Baraag “Hubsiimo Hal baa la siistaa”. Qoraalku halkan wuxuu u yaal sidii uu qoraagu u qoray, waxbana lagama beddelin.

Qoraalkan kooban oo ah Jabaawbta aan ka bixinayo maqaalka Cabdirisaaq Baraag ee cinwaankiisu yahay Hubsiimo Hal baa la siistaa, ee lagu daabacay WardheerNews, magac bilaash uma baxo e waxa aan ka leeyahay laba ulajeeddo.

Midda hore waxay tahay in aan saxo gef aan ku talogal ahayn oo iga galay qoraalkaygii hore ee aan ugu magac daray “Gacan gadaal ka baqaysa geed ma gooyso”, kaasoo ahaa in “Ayax teg, eelna reeb” ay ka mid ahayd maahmaahyadii uu Shiikh Maxamed Cabdi Makaahiil daabacay 86 sano ka hor. Maya, ka mid ma ahayn. Aniga malaha aan fahmin wixii uu ii sheegay saaxiibkay Cabdiraxmaan Faarax “Barwaaqo”. Dhego oommani ‘cab’ uun bay kasaan!

Gacan gadaal ka baqaysaa geed ma goyso!

Fri, 26 Feb 2016 00:00:00 +0000

Qoraal uu Dr. Georgi Kapchits ku daabacay WardheerNews 26 Febraayo 2016, isagoo ka jawaabaya maqaalka Cabdirisaaq Baraag “Ayax teg, eelna reeb”. Baraag wuxuu ugu jawaabay “Hubsiino hal baa la siistaa” (WardheerNews, 27 Maarso 2016), qoraaguna doodda wuxuu ku soo gabagabeeyey qoraalka “Nin habari dhashay hal ma seegi waayo” (6 Abriil 2016), kaasoo uu ku saxay hadalka halkan ku jira ee ku saabsan buugga Sh. Maxamed Cabdi Makaahiil. Qoraalku halkan wuxuu u yaal sidii uu qoraagu u qoray, waxbana lagama beddelin.

Tol waa nin qumman qabanqaabadiis iyo nin qalloocan qabanqaabadiis

Wed, 01 Oct 2014 00:00:00 +0000

Qoraal uu Dr. Georgi Kapchits ku daabacay WardheerNews 1 Oktoobar 2014, oo ah faallo maqaalka Ibraahim M. Deeq “Kala Miirka Maahmaah iyo Odhaah, Gabay iyo Hees”. Kala-qaybinta halkan lagu soo bandhigo waxay ku salaysan tahay habka G. L. Permyakov. Qoraalku wuxuu u yaal sidii uu qoraagu u qoray, waxbana lagama beddelin.

Si xiise leh, ayaan u akhristay maqaal uu qoray Ibraahim M. Deeq uuna magac uga dhigay “Kala Miirka Maahmaah iyo Odhaah, Gabay iyo Hees”, waxayna ila noqotay in maqaalku uu mudan yahay in laga faalloodo, siiba qaybtiisa ku saabsan maahmaahyada iyo odhaahyada. Qoraagu aad buu uga welwelsan yahay in si qumman loo kala garan waayo laba shay oo kala ah Maahmaah iyo Odhaah. Waxaase nasiibdarro ah in maqaalkiisu intuu toosin lahaa arrinta uu khuseeyo uu sii qalloocinayo. Tol waa nin qumman qabanqaabadiis iyo nin qalloocan qabanqaabadiis!